Mınıstr Sultanov depýtattarǵa zeınetaqynyń qalaısha kóteriletinin baıandap berdi

ASTANA. QazAqparat - Kelesi jyldan bastap Qazaqstandaǵy eń tómengi kúnkóris deńgeıin ózgertý kózdelip otyr. Soǵan qaraı áleýmettik tólemderdiń kólemi artady. Osyǵan baılanysty bıýdjet shyǵyndary da ósedi, dep xabarlaıdy QazAqparat tilshisi.

«2018 jylda zeınetaqynyń ortasha kólemi aǵymdaǵy jylmen salystyrǵanda, 3 849 teńgege artyp, 56 059 teńgeni quraıtyn bolady. Al bazalyq zeınetaqynyń mólsheri 11 myńǵa artady da, 25,5 teńgege jetedi. Budan bólek, áleýmettik kómektiń jańa formaty engiziledi. Onda tómengi kúnkóris deńgeıi eskeriledi. Jalpy, 2018 jylda respýblıkalyq bıýdjettiń shyǵyndary 9 trıllıon 218 mıllıard teńgeni quraıdy. 2019 jylda - 9 trıllıln 797 mıllıard, al 2020 jylda 10 trıllıon 220 mıllıard teńgege jetedi», - dep atap kórsetti QR Qarjy mınıstri Baqyt Sultanov búgin «2018-2020 jyldarǵa arnalǵan respýblıkalyq bıýdjet týraly» zańnyń jobasyn tanystyrý barysynda.

Onyń aıtýynsha, zeınetaqyǵa ketetin aqshanyń ulǵaıýyna birneshe sebep bar. Birinshiden, zeınetkerler 44 myń adamǵa artady. Sondaı-aq, atalǵan áleýmettik tólemaqynyń ındeksatsııasy júrgiziledi. Ekinshiden, 2018 jyly 1 shildeden bastap, bazalyq zeınetaqynyń taǵaıyndaý erejeleri ózgeredi.