Mınıstr sportshylardy daıarlaýdyń zamanaýı ınfraqurylymyn qurýdyń mańyzdylyǵyn atady

<p>ASTANA. KAZINFORM &mdash; Búgin Qazaqstan Respýblıkasy Týrızm jáne sport mınıstrliginiń dene shynyqtyrý jáne sport, oıyn bıznesi men lotereıa qyzmetin retteý salalaryndaǵy 2023 jylǵy qyzmeti men 2024 jylǵa qoıylǵan negizgi mindetteri týraly keńeıtilgen Alqa májilisi ótti.&nbsp; Atalǵan jıynda sóz sóılegen Ermek Marjyqpaev sportshylardy daıarlaýdyń zamanaýı ınfraqurylymyn qurýdyń mańyzy týraly aıtty.&nbsp;</p>

Óz kezeginde mınıstr Olımpıadaǵa daıarlyq barysynda sporttyq medıtsına men tamaqtanýdy qamtamasyz etý, sportshylardy daıarlaýdyń zamanaýı ınfraqurylymyn qurý mańyzdy ekenine toqtaldy.

«Budan bólek, ártúrli sport túrinen ulttyq qurama sportshylaryn daıarlaýdyń tıimdiligin arttyrýǵa baǵyttalǵan Keshendi ǵylymı toptyń jumysy da asa qajet. Sport dárigeri, reabılıtolog, nýtrıtsıolog, travmatolog sııaqty mamandardy shoǵyrlandyrý sharalaryn qolǵa alý kerek. Fızıkalyq jattyǵýmen birge sportshylardy daıarlaýdyń medıtsınalyq-bıologııalyq jáne ǵylymı-ádistemelik qamtamasyz etilýi, keshendi tekserýleri de mańyzdy», - dedi Ermek Marjyqpaev.

Alqa májiliske QR Premer-Mınıstriniń orynbasary T.Dúısenova, Týrızm jáne sport mınıstri E.Marjyqpaev, QR Parlamentiniń depýtattary, mınıstrlikke baǵynysty uıymdardyń basshylary, Parıjdegi Olımpıada jáne Paralımpıada oıyndaryna daıyndyq jumystaryn úılestirýshi shtabtyń, Dúnıejúzilik kóshpendiler oıyndaryn daıyndaý jáne ótkizý jónindegi dırektsııa, óńirlik sport basqarlamalarynyń ókilderi, sport ardagerleri qatysty.