Mınıstr ShYU elderin Qazaqstannyń BUU-daǵy bastamasyn qoldaýǵa shaqyrdy

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova Shanhaı Yntymaqtastyq Uıymyna múshe memleketterdi Qazaqstannyń BUU Assambelıasyna bergen bastamasyn qoldaýǵa shaqyrdy.</p>

«Zamanaýı jahandyq syn-qaterler bıologııalyq qaýip pen syn-qaterlerdi tómendetý jáne basqarý salasyndaǵy áriptestikti belsendi júrgizýge ıtermelep otyr. Qazaqstan Prezıdent Qasym-Jomart Toqaev bul máseleniń mańyzdylyǵyn BUU-nyń Bas Assambleıasy alańynda birneshe ret atap ótip, Bıologııalyq qaýipsizdik jónindegi halyqaralyq agenttik qurý týraly bastam kóterdi. Qurmetti áriptester, osyǵan baılanysty, men Shanhaı Yntymaqtastyq Uıymyna múshe memleketterdi osy bastamany qoldaýǵa, bıologııalyq qaýipsizdik salasynda ózara yntymaqtastyqqa úndegim keledi», - dedi mınıstr ShYU-ǵa múshe memleketterdiń Densaýlyq saqtaý mınıstrleriniń jetinshi kezdesýinde.

Sondaı-aq, ol Qazaqstan shylym shegýdiń halyq arasynda keńinen etek alýynyń, elektrondy temeki shegýdiń aldyn alý úshin zańnamaǵa ózgeris engizip jatqanyn eske saldy.

«Qazaqstanǵa veıp kirgizýge, el aýmaǵynda ony óndirýge, satýǵa, taratýǵa tyıym salatyn zańdy Májilis qabyldady. Qazirgi tańda Parlament Senatynyń qaraýynda jatyr. Ol úshin qoǵammen, bıznes ókilderimen úlken jumys atqaryldy dep aıtýǵa bolady», - dedi Aqmaral Álnazarova.