Mınıstr Shyńǵys Árinov: Qolyma qarý ǵana emes, kúrek te ustap kórgenmin

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov Ortalyq kommýnıkatsııalar qyzmetinde ótken brıfıngte ózin kúzet salasynda ǵana jumys istegenin aıtyp, synap júrgenderge jaýap berdi.</p>

«Siz ondaǵan jyldar boıy memlekettik kúzet qyzmetinde istegen ekensiz. Osyny sarapshylar kóp talqylap jatyr. Qolyńyzda únemi qarý júrdi. Endi kúrek ustap úırenem degenshe, kóktemgi tasqyndar qaýpi kele jatyr. Buǵan deıin ómir boıy osy salada istegen mınıstrlerdiń qolynan kelmegen jumys sizdiń qolyńyzdan qalaı keledi?» - dep surady BAQ ókili. 

Mınıstr bul suraqtyń jaýabyn qysqa qaıyrdy.

«Qarýmen qatar kúrek te ustadyq, basqa da quraldar ustadyq. Sondyqtan ol jaǵynan tájirıbemiz bar. Eń bastysy – jumystyń bárin óz ýaqytynda uıymdastyrý. Qalaı daıyndalǵanymyzdy is júzinde kóresizder. Syn bolsa, sol kezde aıtasyzdar», - dedi Shyńǵys Árinov.