Mınıstr sheteldik ınvestorlardy Qazaqstannyń aýyl sharýashylyǵyna ınvestıtsııa salýǵa shaqyrdy
E. Qarashókeev eýropalyq ınvestorlardy qant óndirýge shaqyrdy
Erbol Qarashókeev Azyq-túlik jáne aýyl sharýashylyǵy jónindegi jahandyq forým (GFFA) men Berlındegi «Jasyl apta-2023» halyqaralyq kórmesinde qatysýshylardy Qazaqstannyń aýyl sharýashylyǵy áleýetin odan ári arttyryp, álemdegi azyq-túlik jaǵdaıyn turaqtandyrý men jaqsartýdaǵy óz rólin nyǵaıtýǵa daıyn ekenin aıtty.
Mınıstr Germanııa, Polsha, Ózbekstannyń agrarlyq vedomstvolarynyń basshylarymen, Germanııa ekonomıkasynyń shyǵys komıtetimen jáne «Bayer» kompanııasynyń ókilderimen kezdesip, qolda bar múmkindikter týraly aıtyp berdi.
Atap aıtqanda, E. Qarashókeev Germanııanyń Aýyl sharýashylyǵy federaldy mınıstri Djem Ózdemırmen kezdesýinde Qazaqstan men Germanııa arasyndaǵy agrarlyq saladaǵy yntymaqtastyqty odan ári damytý perspektıvalary týraly pikir almasty.
Sonymen qatar, mınıstr GFR AShM memlekettik hatshysy Sılvııa Bendermen birqatar kooperatsııalyq jobalardyń iske asyrylý barysyn egjeı-tegjeıli talqylady, onyń ishinde «agrarlyq-saıası dıalog» jáne «sút óndirý salasyndaǵy quzyretterdi arttyrý» jobalaryn uzartý máseleleri qozǵaldy. Taraptar Qazaqstannyń aýyl sharýashylyǵy salasyn tehnıkalyq jańǵyrtýǵa eleýli serpin bergen Soltústik Qazaqstan oblysyndaǵy KLAAS zaýytynyń iske qosylýyn yntymaqtastyqtyń jarqyn mysaly retinde atap ótti.
Polshanyń Aýyl sharýashylyǵy jáne aýyldyq aýmaqtardy mınıstri Genrık Kovalchıkpen kezdesýde birlesken kásiporyndar qurý jáne aýyl sharýashylyǵy ónimderin ózara jetkizýdi keńeıtýdiń basym baǵyttary aıqyndaldy. E. Qarashókeev polıak ınvestorlaryn aýyl sharýashylyǵy shıkizatyn óńdeýge jáne qant óndirýge tartýǵa erekshe nazar aýdardy. Birlesken ǵylymı zertteýler júrgizý men tájirıbe almasý arqyly aýyl sharýashylyǵy salasyndaǵy qazaqstandyq jáne polıak ǵylymı-zertteý ınstıtýttary arasyndaǵy yntymaqtastyqty nyǵaıtýdyń mańyzy zor. Taraptar eki eldiń veterınarııalyq qyzmetteriniń ózara is-qımylyn jandandyrýǵa ýaǵdalasty.
E. Qarashókeev ózbekstandyq áriptesi Azız Voıtovpen kezdesip, ózara saýdany ulǵaıtý jáne AÓK salasyndaǵy birlesken jobalardy iske asyrý jónindegi yntymaqtastyq baǵdarlamasy máselelerin talqylady.
Qazaqstandyq mınıstr bıdaı, un, et, kúnbaǵys maıy, kartop jáne t. b. boıynsha birlesken boljamdy teńgerimge tezirek jetýdiń mańyzdylyǵyna nazar aýdardy. Sondaı-aq, qazaqstandyq un men astyq tranzıtine tarıf belgileý, aýyl sharýashylyǵy kompanııalaryn veterınarııalyq qyzmet baqylaýyndaǵy taýarlardy óndirý, qaıta óńdeý jáne saqtaý tizilimderine engizýdiń jedeldetilgen tártibi sııaqty salalarda bıznes úshin tepe-teń negizde jaǵdaılardy jaqsartý máseleleri qozǵaldy.
Germanııa ekonomıkasy Shyǵys komıtetiniń atqarýshy dırektory Mıhael Harmspen kezdesýde E. Qarashókeev agrarlyq salany odan ári damytý josparlary, aýyl sharýashylyǵy taýaryn óndirýshilerdi memlekettik qoldaý sharalary jáne respýblıkanyń ınvestıtsııalyq ahýaly týraly aıtyp berdi. Memleket basshysy AÓK-degi eńbek ónimdiligin 5 jylda 2,5 esege arttyrý mindetin qoıdy. Qazirgi ýaqytta AShM «Qazaq Invest» kompanııasymen jáne ákimdiktermen birlesip, sheteldik ınvestorlardyń qatysýymen AÓK salasynda 3,6 mlrd AQSh dollary bolatyn 38 jobaǵa qoldaý kórsetti.
«Bayer» kópsalaly hımııa-farmatsevtıkalyq korporatsııasynyń vıtse-prezıdenti Maks Mıýllermen kelissózde onyń qazaqstandyq naryqtaǵy qyzmetin keńeıtý máselesi talqylandy. Atap aıtqanda, Qazaqstanda ósimdikterdi qorǵaýdyń jáne tuqym sharýashylyǵyn damytýdyń sapaly quraldaryn óndirýdi salasynda úlken áleýeti bar.