Mınıstr Saıasat Nurbek UBT-dan 140 ball jınaǵan Jannur Eńsebekpen kezdesti

<p>ALMATY. KAZINFORM &ndash; QR Ǵylym jáne joǵary bilim mınıstri Saıasat Nurbek UBT-dan 140 ball jınaǵan Jannur Eńsebekti quttyqtap, ata-anasyna alǵys bildirdi.</p>

«Jannurdyń UBT-da joǵary kórsetkish kórsetýi – bul eńbekqorlyqtyń, shydamdylyq pen yntanyń nátıjesi. Bul rette ata-ananyń qoldaýy, qamqorlyǵy men balaǵa degen senimin de aıta ketý kerek. Sondaı-aq muǵalimderdiń de kásibılikteri men jumystaryna degen adaldyqtarynyń arqasy. Bul qýanyshty sát ómirińizdegi jańa jetistikter men jeńisterdiń bastamasy bolsyn» - dedi Saıasat Nurbek. 

Foto: QR Ǵylym jáne joǵary bilim mınıstrligi

11 jyl úzdik oqyǵan túlek – «Altyn belgi» ıegeri. Ol UBT-ny «Matematıka-Informatıka» kombınatsııasy boıynsha Almaty oblysynyń Esik qalasynda tapsyrǵan. 

Osyǵan deıin Aýyl mektebiniń túlegi UBT-da barlyq suraqqa durys jaýap bergeni týraly jazǵan edik. 

Keıin maksımaldy mejege qol jetkizgen túlek Kazinform tilshisine testke qalaı daıyndalǵany týraly aıtyp berdi.