Mınıstr Pfizer vaktsınasyn Qazaqstanǵa jetkizý merzimin naqtylady

NUR-SULTAN. QazAqparat - QR Densaýlyq saqtaý mınıstri Alekseı Tsoı Pfizer vaktsınasy bir aıdyń ishinde jetkiziletinin aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde Pfizer vaktsınasyn Qazaqstanǵa jetkizý merzimi týraly suraldy.

«Pfizer vaktsınasyna qatysty kúrdeli logıstıka bolǵandyqtan, qalalar boıynsha birneshe núkteli oryndar aıqyndalady. Osy oraıda naqty mekejaılardy, baılanys nómirlerin habarlaımyz. Naqty qandaı vaktsınalaý pýnkteri bolatynyn jarııalaımyz», - dedi A. Tsoı.

Sonymen qatar ol atalǵan ekpeni jetkizý merzimin aıtty.

«Bir aıda jetkiziledi, ıaǵnı tórtinshi toqsanǵa josparlanǵan. Tońazytqyshtar jaqyn arada bolady. Meniń oıymsha, qazan-qarasha aılarynda jetkiziledi», - dedi mınıstr.

Eske sala keteıik, Pfizer kompanııasymen 2021 jyldyń sońyna deıin Qazaqstanǵa 4 mln doza vaktsınany jetkizý boıynsha shartqa qol qoıyldy.