Mınıstr Pavlodar, Qaraǵandydaǵy dala órti týraly: qazir jaǵdaı turaqty

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov Keshe Pavlodar jáne Qaraǵandy oblysynda dala órtine qatysty sońǵy málimetpen bólisti.&nbsp;</p>

«6 qazanda Pavlodar oblysynda Baıanaýyl ulttyq parkiniń mańynda shóp órti boldy. Mınıstrliktiń búkil shtaby jumyldyryldy. Sondaı-aq, Pavlodar oblysynda jedel shtab quryldy. Mınıstrlikten sonymen qatar Abaı oblysy jáne basqa da óńirlerden qosymsha qarajat tartyldy. Pavlodar oblysynyń 18 turǵyny kórshi aýyldarǵa kóshirildi. Qazirgi ýaqytta dala órti tolyǵymen oqshaýlandy jáne tolyq baqylaýda», - dedi Shyńǵys Árinov Úkimet otyrysy aldynda. 

Odan bólek, mınıstr Qaraǵandy oblysyndaǵy órtti sóndirýge kúsh jumyldyrylǵanyn aıtty.

«Sondaı-aq, búgin túnde Qostanaı oblysynyń Reseı Federatsııasy tarapynda 500 gektarǵa jýyq dala órti boldy. Ýaqtyly qabyldanǵan sharalardyń arqasynda tilsiz jaý oqshaýlandy. Qazirgi ýaqytta jaǵdaı turaqty», - deıdi ol.

Buǵan deıin Qaraǵandy oblysyndaǵy dala órtinde mal qyrylý deregi tirkelmegenin jazǵan edik.