Mınıstr Óskemende zaýyt tóbesinde paıda bolǵan qyzǵylt tútinge túsinik berdi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Óskemendegi zaýyt tóbesinde paıda bolǵan qyzǵylt tútinge qatysty túsinikteme berdi, dep habarlaıdy QazAqparat tilshisi.

Brıfıng barysynda BAQ ókilderi Óskemen qalasynan taraǵan vıdeo týraly saýal qoıdy.

Vıdeodan qaladaǵy tıtan-magnıı kásipornynyń aýmaǵynda qyzǵylt tútin paıda bolǵanyn kórýge bolady.

Mınıstr saýaldarǵa Óskemennen shuǵyl kelip túsken málimet boıynsha jaýap berdi.

«Búgin saǵat 12.00-de ekologııa departamentine áleýmettik jeli arqyly «TMK» AQ aýmaǵynda yqtımal apat týraly málimet kelip tústi. Jaǵdaıdy anyqtaý úshin ekologııa departamenti saǵat 12.15-te qural-jabdyqtarmen synama alý úshin sanıtarlyq aımaqqa baryp, aýa quramyndaǵy zııandy zattardyń bar-joǵyn tekserdi. Synama qorytyndysy boıynsha hlordyń mólsheri bekitilgen norma sheginen asqany asqany belgili boldy. Kelip túsken aryz boıynsha jospardan tys tekserý bastaldy. Onyń qorytyndysy qosymsha habarlanady», -dedi Serikqalı Brekeshev.