Mınıstr órt aımaǵyna kelmedi, oblys ákimi orynbasaryn jiberdi - Toqaev

SEMEI. QazAqparat - Memleket basshysy jedel shtab otyrysynda Tótenshe jaǵdaılar vıtse-mınıstri Marat Kúldikovtiń sózin bóldi, dep habarlaıdy QazAqparat Aqordaǵa silteme jasap.

«Men qyzmetinen bosatqan mınıstr óziniń tikeleı qyzmettik mindetin oryndaýǵa nege múldem nemquraıly qarady?! 14 adam qaza tapty. Siz osyny túsinesiz be? Men olardyń otbasylarymen kezdestim. Bul azamattar óz otbasynyń perzentteri, otaǵasy bolatyn. Bir otbasynda eki jasar bala jetim qaldy. Adamdardyń artynda nesıeleri qaldy. Olar otbasynyń jalǵyz asyraýshysy edi. Órt búkil álemde bolady, biraq ol jaqta tıisti sharalar qabyldanady. Mınıstr kelmedi, oblys ákimi tym baıaý qozǵaldy, orynbasarlaryn jiberdi. Jumysqa degen osyndaı qarym-qatynas bola ma?! Osy jóninde esep berińiz! Naqty suraq – nege qate boljam jasaldy?» - dep surady Qasym-Jomart Toqaev.