Mınıstr Oralov legıonerlerge qatysty pikir bildirdi
Mınıstrdiń aıtýynsha, aýdandar men aýyl jastary sportpen shuǵyldaný úshin mektep-ınternat-kolledjderde bilim alýy kerek. Qazirgi tańda elimiz boıynsha 20 aımaqtyń 12-inde sport mektep-ınternat-kolledji bar, qalǵan 8 óńirde jańadan ashylatyn bolady. Osylaısha, jastardy kásibı sportqa tartý jumysy jalǵasa beredi.
Suraq-jaýapqa ulasqan jıynda jınalǵan jurt óz usynystary men saýaldaryn joldady.
Máselen, Qazaqstan Jazýshylar odaǵy Túrkistan oblystyq fılıalynyń tóraǵasy, aqyn Aıdar Seıdazym oblystaǵy aqyn-jazýshylardyń kitaptaryn jaryqqa shyǵarý máselesin kóterdi. Ashat Oralov óz kezeginde túrkistandyq qalamgerlerdiń jınaqtaryn memlekettik tapsyrys aıasynda shyǵarýǵa mınıstrlik tarapynan qoldaý kórsetiletinin jetkizdi.
Al Túrkistan oblystyq Aqsaqaldar alqasynyń tóraǵasy Jarylqasyn Áziretbergenov sporttaǵy legıonerler máselesin qozǵady. «Meniń ózimniń jeke pikirim, legıonerlerdi emes, qazaqtyń balalaryn kóterý qajet. Olarǵa jaǵdaı jasaýymyz kerek» — dedi mınıstr.
Sondaı-aq vedomstvo basshysy aýyldaǵy jaǵdaıdy eskere otyryp, sportty damytýǵa qolaıly jaǵdaı jasalatyndyǵyn jetkizdi. 2029 jylǵa deıin halyqtyń 50 paıyzy buqaralyq sportpen júıeli túrde shuǵyldaný kerek degen maqsat qoıylyp otyr.