Mınıstr Nurjan Nurjigitov elimizdegi sý qoımalarynda qandaı ózekti másele bar ekenin aıtty

<p>Sý resýrstary jáne ırrıgatsııa mınıstri Nurjan Nurjigitov Jetisý oblysyna jumys saparymen baryp, birqatar sý sharýashylyǵy nysandaryn aralady, dep habarlaıdy <a href="https://kaz.inform.kz/" target="_blank" rel="noopener">Kazinform</a> mınıstrliktiń baspasóz qyzmetine silteme jasap.&nbsp;</p>

Mınıstr Aqsý aýdanynda «Aqeshki» sý qoımasyna bardy. Sý qoımasy qatty laılanǵan. Onyń sebebi jyl saıyn kóktemgi sý tasqyny kezinde Aqeshki ózeninen úlken kólemde laı keledi. Saldarynan sýarmaly jerlerge sý tolyq kólemde jetpeıdi. Máselen, 460 ga sýarmaly jerdiń 257 ga-na ǵana sý beriledi.

Másele jedel áreket etýdi talap etedi. Atap aıtqanda, sý qoımasyn arnaıy tehnıkanyń kómegimen, mehanıkalyq tásilmen tazartý kerek. Búgingi tańda Jetisý fılıalynyń balansynda ondaı tehnıka joq. Nurjan Nurjigitov elimizdiń sý qoımalaryn jyl saıyn tazartý úshin «Qazsýshar» RMK fılıaldaryna arnaıy tehnıka satyp alý máselesin qarastyrý qajet ekenin aıtty. 

Foto: Sý resýrstary jáne ırrıgatsııa mınıstrligi

Odan ári Qyzylaǵash sý qoımasyna baryp, Qyzylaǵash ózenindegi sý qoımasy bógetin, sý tartý gıdrotorabyn jáne magıstraldyq kanaldy rekonstrýktsııalaý jáne jóndeý-qalpyna keltirý jumystary boıynsha jobamen tanysty. «Qazsýshar» RMK jergilikti fılıalynyń basshylyǵy nysandy paıdalanýǵa berý úshin «Qazgıprosýshar» ınstıtýty ÓK talaptaryna sáıkes tehnologııalyq synaqtar júrgizý qajet ekenin málimdedi. ıAǵnı, sý qoımasyn jobalyq kólemi 42 mln tekshe metrge deıin toltyrý qajet. Mınıstr baıandamalardy tyńdaǵannan keıin barlyq qatysýshy taraptarǵa nysandy paıdalanýǵa berý protsesin jedeldetýdi tapsyrdy.

Nurjan Nurjigitov Qyzylaǵash sý qoımasyndaǵy qaýipsizdik júıesin muqııat baqylady. Birneshe jyl buryn bolǵan qaıǵyly oqıǵa qaıtalanbas úshin nysanda dabyl júıesi jumys isteıdi. Sonyń arqasynda Qyzylaǵash jáne Eginsý aýyldarynyń turǵyndary qaýipti sý tasqyny kezinde eskertý alady. Avtomattandyrylǵan basqarýdyń arqasynda júıe elektr qýaty óshken jaǵdaıda da dızeldi generatordyń kómegimen jumys isteı beredi. 

Foto: Sý resýrstary jáne ırrıgatsııa mınıstrligi

Mınıstr Aqsý aýdanynda Qyzylaǵash sýarý alaby qurylysynyń barysymen tanysty.

«Joba óte mańyzdy, óıtkeni sýarmaly sýdy utymdy paıdalaný úshin ylǵal únemdeıtin tehnologııalarǵa, ıaǵnı tamshylatyp jáne jańbyrlatyp sýarýǵa belsendi kóshý qajet. Osyǵan baılanysty Jetisý oblysynyń ákimdigine ylǵal únemdeıtin tehnologııalarǵa kóshýdi 4%-dan 30%-ǵa deıin arttyrý kerek», - dedi Nurjan Nurjigitov.

Sondaı-aq mınıstr Islam Damý Banki bergen nesıe esebinen iske asyrylyp jatqan Aqsý aýdanynyń sýarý jelilerin rekonstrýktsııalaý jobasynyń jaı-kúıimen tanysty. Joba boıynsha arnalardyń jalpy uzyndyǵy – 349 shaqyrym. Alaıda tamyz aıynda qurylys-montaj jumystary toqtatylyp, merdiger uıymmen kelisimshart buzyldy. Munyń sebebi nysandaǵy qurylys jumystary óte baıaý qarqynmen júrip jatty.

Mınıstr basqa merdigerdi anyqtaý úshin múmkindiginshe tezirek baıqaý ótkizýge tapsyrma berdi.