Mınıstr muǵalimderdiń bes kúndik jumys aptasyna kóshýin qamtamasyz etýdi mindettedi
Vedomstvonyń Telegram-arnasynyń jazýynsha, b arlyq óńirdiń bilim basqarmalary basshylarynyń esepteri tyńdaldy, olar bes kúndik oqytýǵa kóshý jáne pedagogterdiń jumys tártibi, sondaı-aq synyptardy jınaqtaý, tarıf jáne pedagogterdiń saǵat júktemesi týraly baıandady.
Sonymen qatar óńir ákimdikteriniń mektepterdegi jóndeý jumystaryn aıaqtaýy, oqýlyqtardy jetkizý, mektep formasyn satyp alý úshin «Jalpyǵa mindetti bilim berý» qory aıasynda muqtaj otbasylarǵa kómek kórsetý máseleleri talqylandy.
Bilim basqarmalaryna byltyr bir nemese birneshe mólsherlememen jumys istegen barlyq muǵalimdi qajetti oqý júktemesimen qamtamasyz etý tapsyryldy. Sondaı-aq 23 tamyzǵa deıin «Jalpyǵa mindetti bilim berý» qorynan kómek alatyn barlyq 475 myń azamattyń banktegi shotyna qarjyny aýdarý jáne osy jyldyń 1 qyrkúıeginen bastap úsh aýysymda jumys isteıtin pedagogterdi qospaǵanda, barlyq muǵalimniń bes kúndik jumys aptasyna kóshýin qamtamasyz etýge qatysty tapsyrma berildi.