Mınıstr menıngıtten kóz jumǵandardyń otbasymen kezdesedi

ASTANA. QazAqparat - Búgin QR Densaýlyq saqtaý mınıstri Eljan Birtanov menıngokokk vırýsyna qarsy kúres boıynsha júrgizilip jatqan is-sharalar tıimdiligin baǵalaý úshin Almaty qalasy men Almaty oblysyna issaparǵa shyǵady, dep habarlaıdy QazAqparat tilshisi.

«Eń aldymen, respýblıkalyq shtab josparlaǵan jáne belgilegen sharalardy atqarýdyń tıimdiligin baǵalap kórgimiz keledi. Bul Densaýlyq saqtaý mınıstrligi Qoǵamdyq densaýlyq saqtaý komıteti júrgizetin aldyn alý jáne epıdemııaǵa qarsy sharalar. Olardyń qanshalyqty tıimdi júrgizilip jatqany tekseriledi», - dedi Eljan Birtanov QR Úkimetinde jýrnalıster suraǵyna.

«Aýrýdan kóz jumǵan naýqastardyń týystary men jaqyndaryna kóńil aıtamyz jáne múmkindiginshe olarmen kezdesýge tyrysamyz», - dep óz sózin tolyqtyrdy mınıstr.

Mınıstrdiń aıtýynsha, Qazaqstanda 2018 jyldyń basynan beri ólim qaýpi joǵary bakterııalyq menıngokokk ınfektsııasyn juqtyrdy degen kúdikpen 593 adam qaralǵan jáne 213 adam emdeýge jatqyzylǵan. Olardyń arasynda 58 naýqastan menıngokokk ınfektsııasy rastaldy. Naýqastar arasynda 14 jasqa deıingi balalar sany - 21. Búginge deıin on adam emdep shyǵaryldy jáne 55 naýqas em alyp jatyr.

Atalǵan syrqattan 13 adam qaıtys boldy: Almaty oblysynda - 4, Qyzylorda oblysynda - 1, OQO - 2, Almaty qalasy - 6 adam. Ókinishke qaraı, qaıtys bolǵandar arasynda alty bala bar.

Premer-Mınıstr Baqytjan Saǵyntaev búgingi Úkimet otyrysynda mınıstrlik pen jergilikti ákimdikterge menıngokokke qarsy vaktsına baǵasyn tómendetýdi tapsyrdy.