Mınıstr maımyl sheshegi týraly: Qazaqstanǵa kelgenderdiń dene qyzýy ólshenedi
«Bul vırýstyq juqpaly aýrý, álemde sırek kezdesedi. Negizinen endemııalyq aýdandar men aımaqtarda bolady. Bul aýrý Batys Afrıkadan taralyp jatyr, kóbinese Kongo, Nıgerııada kóp tirkelýde. Sharalar qabyldanǵanyna qaramastan, aýrý búkil álemge tarady. Qazirgi ýaqytta 24 el osy indettiń anyqtalǵanyn habarlady. Biraq negizinen Ulybrıtanııa, Portýgalııa, Ispanııa elderinde tirkelgen. Dúnıejúzilik densaýlyq saqtaý uıymy tıisti usynymdaryn berip jatyr», - dedi Ajar Ǵınııat Úkimette tilshilerge bergen suhbatynda.
Mınıstr Qazaqstanda maımyl shesheginiń esh tirkelmegenin aıtty.
«Aýrýdyń negizgi belgileri – dene qyzýy, ıntoksıkatsııa, álsizdik, bas aýrýy, teriniń bórtýi. Dúnıejúzilik densaýlyq saqtaý uıymy búkil álem boıynsha osy belgiler baıqalǵandardy oqshaýlaýǵa jáne tekserýge keńes beredi. Búgingi tańda Qazaqstanda esh jaǵdaı tirkelgen joq. Shekarada biz elimizge kelgenderdiń barlyǵyna termometrııa júrgizemiz. Eger dene qyzýy, jiti respıratorlyq vırýstyq ınfektsııalary bar adamdar tabylsa, barlyǵy ınfektsııalyq statsıonarlarǵa, jeke palatalar men bokstarǵa oqshaýlanady, sodan keıin tekseriledi», - dep túsindirdi mınıstr.
Sondaı-aq, onyń aıtýynsha, Densaýlyq saqtaý mınıstrligi maımyl sheshegi boıynsha arnaıy dıagnostıka jáne aýrýdy rastaıtyn nemese teriske shyǵaratyn arnaıy testter ázirlegen.
«Halyqty vaktsınalaý belgili bir jaǵdaılarda, búkil álemde nemese elde aýqymdy indet bolǵan kezde jáne bul ınfektsııa aýyr zardaptar men ólim qaýpin týdyrsa ǵana júrgiziledi. Búgingi tańda DDSU vaktsınalaý qajettigi týraly aıtqan joq. 1980 jylǵa deıin bul aýrý óte keń taraǵan. Ázirge Qazaqstan halqyn vaktsınalaý máselesi kóterilgen joq, bul usynymdy DDSU-dan kútetin bolamyz. Maımyl sheshegine qarsy vaktsına joq. Bul vırýs bizdiń elde tabylsa da, bizdiń mamandardyń jaqsy tájirıbesi bar, olar daıyndalyp jatyr», - dedi A. Ǵınııat.