Mınıstr «Maıqaıyńaltyndaǵy» apat týraly: Avtobýsty ekskavatormen qazyp shyǵaramyz

<p>Tótenshe jaǵdaılar mınıstri Syrym Sháriphanov Pavlodar oblysyndaǵy &laquo;Maıqaıyńaltyn&raquo; AQ-nyń altyn kenishindegi oıyqqa túsip ketken avtobýsty shyǵarý jumystary qalaı júrip jatqanyn aıtty, dep <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Ázirshe avtobýsqa deıin 5 metr qaldy. Óte baıaý túsý qajet. Eń bastysy – qutqarýshylar men oıyqty arshyp jatqan jumysshylardyń qaýipsizdigi. Bul ońaı sharýa emes. Naqty merzimin, saǵatyn, aı-kúnin aıtý qıyn. Óıtkeni qutqarý jumystary qaıta-qaıta úzilip qalyp jatyr – aýmaqty skanerlep, qaýipsiz ekenine kóz jetkizilip turý kerek. Avtobýsty, bir qutqarýshy men júrgizýshini mindetti túrde alyp shyǵamyz. Jumys júrip jatyr, merzimin aıtý qazir qıyn», - dedi ol Úkimet otyrysynan keıin ótken brıfıngide.

Mınıstr qazaqstandyq qutqarýshylar mundaı jaǵdaıǵa birinshi ret tap kelip turǵanyn aıtty.

«Bul erekshe jaǵdaı. Qazaqstan buryn-sońdy bolmaǵan. Sondyqtan tájirıbemiz de joq. Qazir álemdegi tájirıbelerdi zerttep jatyrmyz. Siz áýeden kóterý máselesin aıttyńyz ǵoı. Onyń yqtımaldyǵy az. Bul jerde jer qyrtysyn arshyp, avtobýsqa jetip alý qajet. Al jer qyrtysyn arshý úshin ekskavator men basqa da tehnıkalardy paıdalaný kerek», - dedi Syrym Sháriphanov.