Mınıstr quqyq qorǵaýshy Jovtıstiń Mıtıng týraly zań jobasyna qatysty synyna jaýap berdi
«Buryn azamattyq belsendiler men quqyq qorǵaýshylar, jergilikti atqarýshy organdar mıtıngke kez kelgen syltaýmen tyıym sala alatyn. Nege bulaı boldy? Bizde 14 oblys, respýblıkalyq mańyzy bar 3 qala, 300-ge jýyq aýdan bar. Ár jergilikti atqarýshy organnyń beıbit jıyn ótkizýge qarsy óziniń tizimi bar bolatyn. Keıbirinde mundaı sheshim jaǵdaıǵa qaraı qabyldanatyn», - deıdi QR Aqparat jáne qoǵamdyq damý mınıstri Dáýren Abaev.
Ol saraptama júrgizgen kezde sherýge ruqsat bermeýdiń júzdegen sebebi bar ekeni anyqtalǵanyn aıtty.
«Ol sebepterdi tizip aıtýdyń qajeti shamaly. Jovtıs myrzanyń muny jaqsy biletinine jáne túsinetinine senimdimin. Onyń qazir bul máselege nege barynsha nazar aýdaryp otyrǵany túsiniksiz. Biz qazir ruqsat berýden bas tartý úshin naqty 13 sebepti ǵana kórsetip otyrmyz. Bul ereje barlyq aımaqqa ortaq bolady», - deıdi ol.