Mınıstr kitaphana salasy qyzmetkerlerin kásibı merekemen quttyqtady

<p>Mádenıet jáne aqparat mınıstri Aıda Balaeva&nbsp; kitaphana salasynyń qyzmetkerlerin kásibı merekecimen quttyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a> mınıstrliktiń baspasóz qyzmetine silteme jasap.&nbsp;</p>

Kitaphanashylar kúnine arnalǵan saltanatty is-sharaǵa QR Mádenıet jáne aqparat mınıstri Aıda Balaeva, zııaly qaýym ókilderi, ulttyq joǵary oqý oryndary, kolledjder, Qazaqstannyń barlyq óńirinen kitaphanashylar qatysty.

«Ádiletti Qazaqstan – Adal azamat» ulttyq quryltaıynyń ekinshi otyrysynda Memleket basshysy «Shyn máninde, kitap oqıtyn el ǵana aqyldy ultqa aınalady. Biz jas urpaqtyń kitapqa degen qushtarlyǵyn oıatýymyz kerek» dep atap ótti. Qasym-Jomart Kemeluly sizderge úlken úmit artyp, jas urpaqty ulttyq qundylyqtar negizinde tárbıelep otyrǵan kitaphanalar men kitaphanashylardyń jaǵdaıyna erekshe nazar aýdarady. Buǵan kásibı mereke, ótken jyly Qazaqstanda Úkimettiń qaýlysymen bekitilgen Kitaphanashylar kúni dálel bola alady. Elimizde 11 myńǵa jýyq kitaphana jumys isteıdi. Olardyń shtatynda 25 myńnan astam adam bar, kitap qory 328 mıllıon danadan asty. Kitaphana qyzmetterin paıdalanýshylar sany 9,5 mıllıonǵa jetti jáne bul kórsetkish jyl saıyn artyp keledi. Árıne, barlyq jetistikterge kitaphanashylardyń kásibı eńbegi men aǵartýshylyq róliniń arqasynda qoljetkizildi», - dep atap ótti Aıda Balaeva.

Kitaphana isiniń damýyna erekshe úles qosqan 15 qyzmetker mınıstrdiń qolynan «Mádenıet salasyndaǵy úzdigi» tósbelgisin aldy. Birqatar úzdik qyzmetkerge Mádenıet jáne aqparat mınıstrliginiń Qurmet gramotalary men Alǵys hattary tabys etildi. 

Foto: Mádenıet jáne aqparat mınıstrligi baspasóz qyzmeti

Saltanatty is-sharaǵa qatysýshylar óńirlerdegi kitaphanalyq qyzmet kórsetýdegi ozyq jobalarmen tanysyp, kitaphana tarıhyna arnalǵan arnaıy kórmeni tamashalady. 

Foto: Mádenıet jáne aqparat mınıstrligi baspasóz qyzmeti