Mınıstr Qostanaıdaǵy orman órtiniń qasaqana qoıylǵanyn rastady

ASTANA. QazAqparat – QR Tótenshe jaǵdaılar mınıstri ıÝrıı Ilın Qostanaı oblysyndaǵy órt boıynsha júrip jatqan tergeý jumystaryna qatysty túsinik berdi. Ol tilsiz jaý tabıǵı faktor áserinen tutandy degen nusqany joqqa shyǵardy, dep habarlaıdy QazAqparat tilshisi.

«Biz órt tabıǵı faktor áserinen boldy degen nusqany joqqa shyǵardyq. Óıtkeni, bul aımaqta naızaǵaı bolǵan joq. Kóbine naızaǵaı biraz órtterge sebep bolyp jatady. Bizdiń jedel top 3 qyrkúıekte órt bolǵan jerge kelgende kezde de, tikushaqtan baqylaý barysynda da negizgi órtten 1,5-2 shaqyrym jerde jelge qarsy janyp jatqan órt oshaqtary boldy. Onda adamı faktordyń qatysy bolǵany sózsiz. Sonymen qatar, jaqyn jerdegi dala alqaptary órtendi. Bul órt áýelde dalalyq alqapta bastalyp, keıin jel epkinimen taralǵanyn kórsetedi», - dedi mınıstr.

ıÝrıı Ilın órt qasaqana qoıyldy degen nusqamen kelisetinin atap ótti. Onyń aıtýynsha, tergeý jumystary áli júrip jatyr.

Buryn habarlaǵanymyzdaı, Qostanaı oblysynyń prokýratýrasy Áýlıekól aýdanyndaǵy órtke baılanysty 3 qylmystyq is qozǵaǵan bolatyn.

ıÝrıı Ilınniń málimdeýinshe, tergeý sharalary barysynda birqatar sheneýnikterden de jaýap alynǵan.