Mınıstr koronavırýstyń tserber shtamy adamdarǵa qalaı áser etetinin aıtty

ASTANA. QazAqparat - Densaýlyq saqtaý mınıstri Ajar Ǵınııat Qazaqstanda anyqtalǵan koronavırýstyń «tserber» shtamynyń erekshelikterin aıtty, dep habarlaıdy QazAqparat tilshisi.

«Tserber – «omıkronnyń» bir túri. Omıkronnyń taralǵan túrleine qatysty monıtorıng júrgizip, olardy anyqtaý boıynsha jumys júrgizip jatyrmyz. Jalpy, taralǵan vırýstartyń arasynda «tserberdiń» úlesi 0,5 paıyzdy qurady. Adamdar bul vırýs shtamyn jeńil eńserip jatyr», - dedi A. Ǵınııat Senattaǵy Úkimet saǵatynan keıin tilshiler saýalyna jaýap bere otyryp.

Mınıstrdiń aıtýynsha, búginde Qazaqstanda koronavırýstyń sımptomsyz jaǵdaılary kóp kezdesedi.

«Qazirgi tańda aýrýhanalarda 100 naýqas jatyr. Bular negizinen egde jastaǵy, ekpe almaǵan, ýaqytyly ekpe almaǵan naýqastar. 10 naýqas aýyr halde», - dedi vedomstvo basshysy.

Eske sala keteıik, jaqynda Qazaqstanda «Tserber» shtamynyń aınalymy tabylǵanyn habarlaǵan edik.

Sońǵy sekvenırleý qorytyndysy boıynsha respýblıkada Omıkron BQ.1.1 (Tserber) shtammy nusqasynyń 0,5% aınalymy anyqtaldy, 99,5% – Omıkron shtamynyń basqa nusqalary.

Shtamm tez juǵýymen erekshelenedi, alaıda asa qaýipti emes.