Mınıstr qazandyqqa kómir satyp alý kórsetkishi tómen óńirlerdi atady

NUR-SULTAN. QazAqparat – Derbes qazandyqtarǵa otyn satyp alý úshin shuǵyl shara qabyldaý qajet. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Derbes qazandyqtar úshin aldaǵy jylý berý maýsymyna otynǵa degen qajettilik shamamen 3 mln tonna kómir men 68 myń tonna mazýtty quraıdy. Búgingi kúni 2,6 mln tonna kómir jáne 60 myń tonna mazýt daıyndaldy», - dedi mınıstr.

Onyń dereginshe, kómir satyp alý Qyzylorda, Pavlodar, Qostanaı, Soltústik Qazaqstan oblystarynda, mazýt Aqmola, Túrkistan jáne Aqtóbe jáne Qyzylorda oblystarynda tómen.

«Derbes qazandyqtarǵa otyndy ýaqytyly satyp alý jáne jetkizý boıynsha shuǵyl is-sharalar qabyldaý qajet», - dedi Beıbit Atamqulov.