Mınıstr Qazaqstan avıatsııa ákimshiliginiń bas dırektoryn taǵaıyndaýǵa qatysty pikir bildirdi

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev «Qazaqstannyń avıatsııa ákimshiligi» AQ jańa basshysy Katalın Radýdyń taǵaıyndalýyna qatysty pikir bildirdi, dep habarlaıdy QazAqparat tilshisi.

«Biz avıatsııa ákimshiliginiń memleketke baǵynbaı, óz betinshe bólek bolǵanyn qalaımyz. Jeke sýbekt retinde óz aldyna damyp, otandyq áýe qatynasyn sapaly qyzmetpen qamtamasyz etse deımiz. Biz halyqaralyq azamattyq avıatsııa uıymynyń (ICAO -International Civil Aviation Organization) basshylyǵymen sóılestik. Jańa bas dırektor - osy salada belgili tulǵa. Birlesip jumys isteımiz, kóremiz. Ózim de ol kisimen jeke suhbattastym, maǵan jaqsy áser qaldyrdy», - dedi Qaıyrbek Óskenbaev ortalyq kommýnıkatsııalar qyzmeti alańynda ótken baspasóz máslıhatynda.

Eske sala ketsek, Qazaqstannyń avıatsııa ákimshiligi» AQ bas dırektory bolyp Katalın Radý taǵaıyndalǵan bolatyn.

Azamattyq avıatsııa komıtetiniń málimetine sensek, Katalın Radýdyń azamattyq avıatsııa salasynda úlken tájirıbesi bar.

Sondaı-aq, brıfıngte mınıstr elimizge syrttan taýar ákelýge nemese kerisinshe elden taýar shyǵarýǵa qazirgi geosaıası jaǵdaıdyń áseri týraly aıtty.

Odan bólek, atalǵan vedomstvo basshysy elimizdegi turǵyn úı baǵasyna qatysty oıyn ortaǵa saldy.