Mınıstr qashyqtan oqýǵa bolatyn platformalardy atady

NUR-SULTAN. QazAqparat – Elimizde oqýshylardy qashyqtan oqytatyn Bilimland.kz, «Kúndelik» , «Daryn onlaın» sııaqty arnaıy platformalar bar. Bul týraly Ortalyq kommýnıkatsııalar qyzmetiniń alańynda ótken mektep oqýshylarynyń ІV toqsanda qashyqtan oqý júıesine arnalǵan onlaın konferentsııada aıtyldy, dep habarlaıdy QazAqparat tilshisi.

«Bizde Bilimland.kz , «Kúndelik», «Daryn onlaın» sııaqty arnaıy platformalar bar. Ony qazirgi ýaqytta jetildirip, daıyndap qoıdyq. Solardyń ishinde ár mektep osy platformalardyń birine toqtalyp, jumys isteıdi», - deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, «Kúndelik» platformasyna synama sabaq ótkizgen kezde 930 myń oqýshy kirip, tıisti dáris alǵan.

«Bizde «Daryn onlaın» degen jaqsy platforma bar. Ol jerge 300 myń oqýshy tirkelgen jáne kanıkýlǵa qaramastan jumysyn júrgizip jatyr. oqýshylar ol platformany paıdalanyp, jaqsy pikir aıtýda. Sondaı-aq, Bilimland.kz degen kópten beri qoldanystaǵy jaqsy júıe bar. Ony qashyqtan oqytý formatyna jetildirip, ózgertý jumystaryn júrgizdik. Bul jerge 390 myń bala tirkelgen», - deıdi ol.