Mınıstr ımportqa táýeldi azyq-túlik ónimderin aıtty

NUR-SULTAN. QazAqparat – Aýyl sharýashylyǵy mınıstri Erbol Qarashókeev ımportqa táýeldi azyq-túlik taýarlaryn aıtty, dep habarlaıdy QazAqparat tilshisi.

«Aýyl sharýashylyǵy mınıstrligi azyq-túlik taýarlarynyń negizgi 29 túri boıynsha ishki naryqtyń qamtamasyz etilýine monıtorıng júrgizýde. Azyq-túlik taýarlarynyń negizgi túrleri boıynsha ishki naryqtyń otandyq óndiris esebinen qamtamasyz etilýi shamamen 85 paıyzdy quraıdy. Qus eti, shujyq ónimderi, irimshik jáne súzbe, alma, qant jáne balyq sııaqty taýarlar ımportqa táýeldi», - dedi E. Qarashókeev Úkimet otyrysynda

Onyń aıtýynsha, 2021 jyly ótken jyldyń kezeńimen salystyrǵanda irimshik pen súzbe óndirisi 18,6% - ǵa (32 myń tonnadan 45,3 myń tonnaǵa deıin), shujyq ónimderi 9,5% - ǵa (58,7 myń tonnadan 68,4 myń tonnaǵa deıin), alma 7% - ǵa (259 myń tonnadan 282,1 myń tonnaǵa deıin), qus eti 27% - ǵa (235,3 myń tonnadan 282,1 myń tonnaǵa deıin), qant 28,9%-ǵa (140 myń tonnadan 335 myń tonnaǵa deıin), balyq 10,1%-ǵa (61 myń tonnadan 71 myń tonnaǵa deıin) ulǵaıdy.