Mınıstr Ilın jolda úsik shalǵan jolaýshylar týraly aqparatty joqqa shyǵardy

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın qolaısyz aýa raıy kezinde jolda qalǵandar arasynda mert bolyp, úsik shalǵan jolaýshylar bar degen aqparattyń jalǵan ekenin aıtty, dep habarlaıdy QazAqparat tilshisi.

«Qys mezgilinde qolaısyz aýa raıy jáne jaýyn-shashynnyń kóp túsýinen óńirler boıynsha respýblıkalyq joldardyń qozǵalysyna shekteý engzildi. Bul jumysqa bizdiń jáne Іshki ister mınıstrliginiń qyzmetkerleri jumyldyryldy. Osy oraıda «jolda qalǵan adamdar arasynda qaıtys bolǵandar jáne úsip qalǵan jolaýshylar bar» degen aqparat shyndyqqa janaspaıdy. Jolda qalý jáne keptelis kezinde eshkim zardap shekken joq», - dedi ıÝrıı Ilın Ortalyq kommýnıkatsııalar qyzmeti alańynda ótken baspasóz máslıhatynda.

Mınıstrdiń aıtýynsha, jolda qalǵandarǵa ýaqytyly kómek kórsetilip, olar ýaqytsha ornalastyrý beketterine jetkizildi.

«Jol-kólik oqıǵasy saldarynan qaıtys bolǵandar bar. Biraq onyń jolda qalý jaǵdaıyna qatysy joq», - dep tolyqtyrdy tótenshe jaǵdaılar vedomstvosynyń basshysy.