Mınıstr «Halyq qatysatyn bıýdjet» jobasy týraly túsindirdi
«Memleket basshysynyń tapsyrmasyna sáıkes, «Halyq únine qulaq asatyn memleket» tujyrymdamasyn oryndaý aıasynda sheshim qabyldaý protsesine turǵyndardy tartý masqatynda «Halyq qatysatyn bıýdjet» jobasyn iske asyrý kózdelgen», - dedi mınıstr onlaın rejımde halyq aldynda esep berý barysynda.
«Halyq qatysatyn bıýdjet» jobasy kelesi tártip boıynsha júzege asyrylady: veb-portalda ıdeıalar konkýrsy ótkizilip, naqty sol aýdannyń barlyq turǵyny aýdandyq ákimdikke ózderi mańyzdy dep tapqan jobany júzege asyrýdy usynady. Kelip túsken ótinimder taldanyp, keıin ol boıynsha «1 turǵyn-1 daýys» tártibimen ashyq daýys berý júrgiziledi.
Daýys berýdiń nátıjesi boıynsha sarapshylyq qaýymdastyq jobalardy qarjylandyrý kezegin belgileıdi. Aýdandyq ákimdiktiń saıtynda turǵyndardyń qandaı jobaǵa qalaı daýys bergenin kórýge bolady. Jobalardyń avtory, statýsy, sýreti jarııalanady. Joba avtory turǵyn úı PIK-i nemese turǵyn bola alady.
2019 jyly joba aıasynda azamattar 1,5 mlrd teńgege usynys berip, aýlalardy abattandyrý, aýla jáne sport alańdaryn salý jóninde 69 joba maquldandy.
«Bıyl «Halyq qatysatyn bıýdjet» jobasyn oblystyq mańyzy bar basqa da qalalarǵa engizý boıynsha jumystar júrgizilýde», - dep habarlady Dálenov.