Ajar Ǵınııat qarııalarǵa koronavırýsqa qarsy egilýge keńes berdi

<p><span style="font-family: sans-serif; font-size: 18px;">Qazaqstanda koronavırýstyń "omıkron" shtamy, juqpaly respıratorly vırýsty ınfektsııa (JRVI), enterovırýsty ınfektsııa, adenovırýs, rınovırýs jáne menıngokokk ınfektsııasynyń túrleri tirkelip jatyr. Bul týraly Densaýlyq saqtaý mınıstri Ajar Ǵınııat aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></span></p>

“Biz aı saıyn qorshaǵan ortadaǵy koronavırýs ınfektsııasyn genetıkalyq túrde zertteımiz. Osy aıda koronavırýstyń qandaı da bir jańa shtamyn anyqtaǵan joqpyz. Qazir osy aıdyń zertteýi aıaqtalýǵa jaqyn, eger shtamnyń jańa túri paıda bolsa, sizderge qosymsha aqparat beremin. Qazir koronavırýstyń "omıkron" shtamynan bólek, enterovırýsty ınfektsııanyń, adenovırýstyń, rınovırýstyń jáne menıngokokk ınfektsııasynyń alýan túri júrip jatqanyn kórip otyrmyz. Sondyqtan, jańa ınfektsııa paıda boldy dep aıta almaımyz”, – dedi A. Ǵınııat Úkimette ótken baspasóz máslıhatynda.

Oǵan qosa, Densaýlyq saqtaý mınıstri qazir JRVI órship turǵanyn, búkil elde tumaýǵa qarsy vaktsınalaý naýqany bastalǵanyn jetkizdi.

Sondaı-aq vedomstvo basshysy ımmýn tapshylyǵy bar qart adamdarǵa koronavırýs ınfektsııasyna qarsy vaktsına alýǵa keńes berdi.

Buǵan deıin Ajar Ǵınııat eldegi epıdemıologııalyq jaǵdaıdy baıandap, "koronavırýsqa qatysty shekteýler qaıta engizile me?" degen suraqqa jaýap bergen edi.