Mınıstr G-Park kompanııasynyń zańsyz qurylys júrgizýine qatysty pikir bildirdi

<p>ASTANA. KAZINFORM &ndash; Elimizde turǵyn úıler salýda zań talaptary 70 paıyzǵa buzylsa, onda qurylys buzylady. Bul týraly Ónerkásip jáne qurylys mınıstri Qanat Sharlapaev málim etti.</p>

«G-Park» qurylys kompanııasy máselesiniń qalaı sheshiletini týraly aqparat beremiz. Jalpy aıtpaǵym, azamattar qurylys kompanııasyn tańdaýda jaýapkershilik tanytý kerek. Eger obektige resmı kepildik berilmese, zańsyz salynsa nemese aldyn-ala kelisimsharttar boıynsha jasalsa, onda mundaı obektilerden páter satyp almaǵan durys», - dedi Qanat Sharlapaev Úkimet otyrysynan keıin ótken baspasóz máslıhatynda.

Mınıstrdiń málimdeýinshe, eger turǵyn úı 70%-ǵa zańsyz salynsa, onda ol buzylady.

«Zańsyz qurylyspen kúres salasynda tájirıbe jetkilikti. Aıta ketetin jaıt, qurylys jumystaryna qatysty búkil el aýmaǵynda biryńǵaı sheshim qabyldaımyz, ár nysan jeke qarastyrylady», - deıdi vedomstvo basshysy.

Aıta keteıik, búgin Úkimet otyrysynda Oljas Bektenov Astanada G-Park kompanııasynyń ruqsat qujattarynsyz 7 turǵyn úı salyp jatqanyn aıtqan edi.

Eske sala ketsek, Astana ákimdigi G-Park kompanııasyna 12 nysandy aıaqtap, úleskerlerge kilt tapsyrǵansha jańa qurylys bastaýǵa tyıym salǵan edi.