Mınıstr energetıkalyq baqylaýshylardyń shtat sanyn kóbeıtýdi surady
«Memlekettik energetıkalyq baqylaý jónindegi organnyń shtat sanyn kóbeıtpese, memlekettik energetıkalyq baqylaýdy kúsheıtý tıisti nátıje bermeıtinin atap ótken jón. Atomdyq jáne energetıkalyq qadaǵalaý men baqylaý komıtetiniń 20 aýmaqtyq departamentinde 3 qyzmetker - memlekettik tehnıkalyq ınspektor jumys isteıdi», - dedi Energetıka mınıstri Bolat Aqsholaqov.
Onyń aıtýynsha, bul elektr qondyrǵylarynyń paıdalanylýy men jumys qaýipsizdigin tolyq jáne sapaly baqylaý úshin jetkiliksiz.
«Joǵaryda aıtylǵandardyń negizinde, jumystyń aýqymdy kólemin eskere otyryp, memlekettiń atom energııasy men elektr energııasy salasyndaǵy baqylaýdy joǵaltýyna jol bermeý maqsatynda komıtettiń aýmaqtyq departamentteri personalynyń shtat sanyn ulǵaıtý usynylady», - dedi yedomstvo basshysy.