Mınıstr Denıs Ten atyndaǵy akademııany ashý týraly: Anasymen aqyldasyp jatyrmyz

NUR-SULTAN. QazAqparat – Elimizdiń Mádenıet jáne sport mınıstri Aqtoty Raıymqulova Denıs Ten atyndaǵy mənerlep syrǵanaý akademııasyn ashýǵa qatysty pikir bildirdi, dep habarlaıdy QazAqparat tilshisi.

«Almatyda Denıs Ten atyndaǵy mənerlep syrǵanaý akademııasyn ashýdy josparlap jatyrmyz. Akademııanyń óz muz alańy bolady. Denıstiń anasy Oksana Alekseevnamen aqyldasyp jatyrmyz. Akademııa ashý jan-jaqty talqylaý men ýaqytty talap etedi. Árıne, Denıs Tendi otandyq sport pen mádenıettiń damýyna zor úles qosqan jaryq juldyz dep aıtýǵa bolady. Ol akademııa ashýdy ózi josparlap, armandaǵan. Sondyqtan da biz bul isti qoldaımyz jáne júzege asyramyz», - dedi Aqtoty Raıymqulova elordada ótip jatqan ulttyq mektep sport lıgasy barysynda.

Eske sala ketsek, mınıstrlik Almatyda Denıs Ten atyndaǵy Global Figure Skating mənerlep syrǵanaý akademııasyn ashý týraly ótken jyly habarlaǵan edi.

Buǵan deıin habarlaǵanymyzdaı, elordada otandyq sportshy Denıs Tenniń qurmetine mánerlep syrǵanaýdan halyqaralyq týrnır ótedi .