Mınıstr «Bizdiń súıikti dáriger» fılminiń jalǵasyn túsirýdi tapsyrdy

ALMATY. QazAqparat - Búgin Sh.Aımanov atyndaǵy «Qazaqfılm» kınostýdııasynda «Bizdiń súıikti dáriger - 2» atty jańa fılmniń óndiriske jiberilýine baılanysty baspasóz konferentsııasy ótti, dep habarlaıdy QazAqparat tilshisi.

QR Mádenıet jáne sport mınıstri Arystanbek Muhamedıuly «Bizdiń súıikti dáriger» kórkem fılmi qazaq kınematografııasynyń altyn qoryna engendigin aıta otyryp, túsirilim tobynyń aldyna úlken mindet qoıylǵanyn jetkizdi.

«Bárimiz súıip kóretin bul kartınany jasaýǵa sol zamandaǵy qazaq óneriniń úzdik ókilderi qatysqan. Ony Bıbigúl Tólegenova, ıÝrıı Pomerantsev, Ermek Serkebaev, Múlik Súrtibaev, Hadısha Bókeeva jáne Sháken Aımanov jasap shyqqan. Fılmniń jalǵasyn óndiriske jiberer aldynda rejısserge Sháken Aımanovtaı joǵary deńgeıde túsir dep tapsyrdym. Asqar Bısembınniń qolynan jaqsy fılm shyǵady dep senemin», - dedi QR Mádenıet jáne sport mınıstri Arystanbek Muhamedıuly.

Fılmniń basty keıipkerleriniń birin somdaıtyn «Golos. Detı-4» baıqaýynyń jeńimpazy, ánshi Danelııa Tóleshova aktrısalyq qabiletin birinshi ret osy fılmde synamaq.

«Bul fılmdi túsirý maǵan buıyrǵanyna óte qýanyshtymyn. Sháken Aımanovtyń fılmin túsirý úlken jaýapkershilik. Balalyq shaǵymda osy kartınany kórip óstim, jatqa bilemin dep aıta alamyn. Birinshi bólimde týyndy qysqa bolsa da, 8 án oryndalǵan edi. Jalǵasqan fılmde mýzyka kóp bolady, biraq ánniń janry san túrli. Qazir ánderdiń repertýary men oryndaýshylaryn izdeı bastadyq. Jumysqa tolyqtaı kirisip kettik», - dedi rejısser jáne stsenarıst Asqar Bısembın.

Fılmniń sıýjeti boıynsha, Almatydaǵy aýrýhanalardyń birinde úlken mereke - súıikti dáriger ári tálimger Nıkolaı Anatolevıch Grachevtyń 80 jyldyǵy atalyp ótpekshi. Bul mereıtoıǵa aýrýhana ujymy men bas dáriger de daıyndalady. Alaıda, mereıtoı ıesi týǵan kúnin atap ótkendi unatpaıdy. Bul kúndi ol jalǵyz qarsy alǵysy keledi. Tálimger-dárigerdi quttyqtaýǵa mınıstrlikten adamdar keletinin estigen bas dáriger, jas dáriger Qaısar men óziniń hatshysy Jannaǵa mereıtoı ıesin tabýdy tapsyrady. Sińilisin úıde jalǵyz qaldyrýǵa qoryqqan Janna ony birge ertip alady. Osylaısha, fılm keıipkerleriniń qyzyqty da shytyrman oqıǵalary bastalady.

Fılm 2020 jyly qazaqstandyq prokatka shyǵýy josparlanyp otyr.