Mınıstr bıylǵy bıdaı shyǵymyna boljamyn aıtty

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev ortalyq kommýnıkatsııalar qyzmetinde ótken brıfıngte bıylǵy bıdaı shyǵymy týraly boljamyn aıtty, dep habarlaıdy QazAqparat tilshisi.

«Kóktemde egis jumystary ýaqtyly júrgizilgenin, óndirýshilerdiń búkil qajettilikterin qamtamasyz etkenimizdi eskersek, bıyl bıdaı shyǵymy 13-13,5 mln tonna bolady degen boljam bar», - dedi mınıstr BAQ ókilderiniń saýalyna bergen jaýabynda.

Onyń aıtýynsha, bıyl jalpy egin shyǵymy byltyrǵydan joǵary bolýy kerek.

«Byltyrǵymen salystyrǵanda egin shyǵymy shamamen 15-20% joǵary bolady. ıAǵnı, keıingi bes jylda alyp júrgen kólemde ónim alamyz»,- dedi Erbol Qarashókeev.

Sondaı-aq, mınıstr qanttyń shynaıy baǵasy qansha bolýy kerektigin aıtty.

«Mysaly, qant quraǵynyń quny - shamamen 476 AQSh dollary. Bul 2020 jylmen salystyrǵanda 2 ese kóp. Logıstıka shyǵyndary 110 AQSh dollarynan 290 AQSh dollaryna deıin 2,6 ese ósti. Atalǵan faktiler otandyq qant zaýyttarynda quraq qantynyń ózindik qunynyń qymbattaýyna alyp keldi. Búgingi tańda zaýyttar 1 kılogramm qantty 450 teńgege satady. Bul rette 15% kóterme jáne bólshek saýda ústemesin eskere otyryp, qant quny shamamen kelisine 595-600 teńge bolýy qajet», - dedi vedomstvo basshysy.