Mınıstr: Belarýs tarapynyń júk tasymaldaýshylardy Eýropaǵa ótkizbeýin kedergi dep baǵalaımyn

<p>Saýda jáne ıntegratsııa mınıstri Arman Shaqqalıev&nbsp; Senat otyrysynan keıin ótken brıfıngide Eýropaǵa júk tasymaldap júrgen qazaqstandyq kólikterdiń Belarýs shekarasynda qańtarylýyna baılanysty pikir bildirdi, dep<a href="https://kaz.inform.kz/" target="_blank" rel="noopener"> Kazinform.&nbsp;</a></p>

«8 qańtardan bastap osyndaı másele bolyp tur. Qazirgi tańda ony Reseı jáne Belarýs tarapyndaǵy áriptesterimizben talqylap jatyrmyz. Bul máseleni biz kedergi jónindegi komıssııaǵa resmı túrde jiberemiz. Búginde olardan jaýap kútip jatyrmyz. Menińshe, óz pikirim, bul – kedergi. Tehnıkalyq barer deıdi ǵoı, bul – barer. Olaı bolmaý kerek», - dedi mınıstr.

Vedomstvo basshysy másele oń sheshilmese, Belarýs tarapynyń bul áreketin resmı túrde kedergi dep tanıtyndaryn aıtady.

«Bul Eýrazııalyq ekonomıkalyq odaqtyń ıntegratsııa sharttaryna sáıkes kelmeıdi. Biraq bizdiń áriptester (Belarýs tarapy – red.) bul qaýipsizdiktiń máseleleri dep otyr. Sharttyń 29-babynda ondaı negizdeme bar ekenin aıtyp otyr. Biraq bul máseleni biz basqasha qaraımyz. Bul taýar qozǵalysyn shekteıdi. Máseleni tıisti deńgeıde retteı almasaq, resmı túrde komıssııa qaraýyna kedergi retinde engizemiz», - dedi Arman Shaqqalıev.