Mınıstr: Bank qyzmetkerlerin kepilge alǵan kúdiktige qatysty tergeý amaldary júrip jatyr
17:11, 18 Maýsym 2023
ASTANA. QazAqparat - Іshki ister mınıstri Marat Ahmetjanov Kaspi banktegi oqıǵaǵa qatysty túsinikteme berdi, dep habarlaıdy QazAqparat tilshisi.
«Dabyl granatasy qoldanyldy. Eshkim zardap shekken joq. Bári aman-saý. Osy banktiń 7 qyzmetkeri bosatyldy. Qylmysker ustaldy. Qazir onymen tergeý amaldary júrip jatyr. Oqıǵa bolǵan jerde tekserý júrip jatyr», - dedi mınıstr BAQ ókilderiniń saýalyna jaýap bere otyryp.
Buǵan deıin habarlaǵanymyzdaı, elordadaǵy Kaspi banktiń ǵımaratynda qarýlanǵan er adam uıym qyzmetkerlerin kepilge aldy.
Banktiń baspasóz qyzmeti ǵımaratta klıentterdiń joqtyǵyn jáne polıtsııa qyzmetkerleriniń kúdiktimen kelissóz júrgizip jatqanyn málimdedi.
Kaspi banktiń kepildegi qyzmetkerleri bosatyldy.