Mınıstr BAQ týraly zańdy synaǵandarǵa jaýap berdi
«BAQ týraly zańnamaǵa ózgerister áli de engiziledi. Búginde júıeli jumys jalǵasyp jatyr. Zańǵa qatysty syn-pikir aıtqan áriptesterimizben kezdesý de josparda bar. Zańnama áli talqylaný ústinde. Májilistiń qaraýyna áli jetken joq. BAQ týraly zańdy jetildire túsýde Májiliske deıin biraz jumys isteý kerek. Osy oraıda zań jobasyna qatysty pikir aıtyp júrgen áriptesterimizdi Májilistiń jumys tobyna shaqyramyz. Aıtylyp jatqan syndardan habarymyz bar», - dedi Darhan Qydyráli Úkimet otyrysynan keıin tilshilerdiń saýalyna jaýap bere otyryp.
Eske salaıyq, BAQ týraly zań jobasy 27 qańtarǵa deıin qoǵam talqylaýynda boldy.
BAQ týraly jańa zańda qandaı ózgerister bolatyny týraly jazǵan edik.
«Zań jobasy aıasynda jýrnalısterdiń mártebesin kóterý, memlekettik aqparattyq saıasatty qarjylandyrý tetikterin reformalaý, ózin-ózi retteý ınstıtýttaryn damytý, teleradıo habarlaryn taratý salasyndaǵy trendterdi ózgertý josparlanǵan. Aqparatqa qol jetkizý máseleleri týraly zańǵa túzetýler ázirlendi. Usynylǵan ózgerister azamattardyń aqparatqa qol jetkizý quqyǵyn zańsyz shekteıtin memlekettik organdardyń jaýapkershiligin kúsheıtedi. Aqparattyq doktrına talqylaýdan ótti, sondaı-aq aqparat salasyn damytýdyń 2023-2027 jyldarǵa arnalǵan tujyrymdamasyn daıyndaýǵa kiristik», - degen edi Aqparat mınıstri.