Mınıstr aýyl sharýashylyǵy jerlerin qaıtarý qadamdaryn aıtty

NUR-SULTAN. QazAqparat – Búgin Jer reformasy jónindegi komıssııanyń birinshi otyrysynda Aýyl sharýashylyǵy mınıstri Saparhan Omarov paıdalanylmaıtyn aýyl sharýashylyǵy jerlerin qaıtarý jumystary jaıynda baıandady, dep habarlaıdy QazAqparat tilshisi.

«2016 - 2020 jyldar aralyǵynda júrgizilgen jumystardyń nátıjesinde óspeli qorytyndymen 15,4 mln gektar paıdalanylmaıtyn aýyl sharýashylyǵy jerleri anyqtaldy, onyń 5,4 mln gektary aýyl sharýashylyǵy aınalymyna qaıta tartylyp, 5,6 mln gektary memlekettik menshikke qaıtaryldy. Al 4,4 mln gektardy sot organdary arqyly alyp qoıý jumystary júrgizilýde», - dedi mınıstr.

Onyń aıtýynsha, 2019 jyly zańnamalyq ózgerister engizilgennen keıin, 2020 jyldyń qańtarynan bastap Aqmola, Shyǵys Qazaqstan, Qostanaı jáne Mańǵystaý oblystarynda aýyl sharýashylyǵy jerlerin ǵaryshtyq monıtorıngileý jónindegi pılottyq joba iske qosyldy. 2020 jylǵy jeltoqsandaǵy jaı-kúı boıynsha atalǵan óńirlerdegi pılottyq joba aıaqtaldy.

«Ǵaryshtyq monıtorıng nátıjeleri boıynsha pılottyq óńirlerde 8,3 mln ga anyqtaldy, bul negizinen 7,6 mln ga jaıylym, 0,7 mln ga egistik jerler. Onyń ishinde 2,2 mln gektary aýyl sharýashylyǵy aınalymyna qaıta tartylyp, 2,6 mln gektary memlekettik menshikke qaıtaryldy, 3,5 mln gektar boıynsha jergilikti atqarýshy organdar jumys isteýde.

2021 jylǵy 1 qańtardan bastap ǵaryshtyq monıtorıng respýblıkanyń búkil aýmaǵynda qoldanylýda», - dedi S. Omarov.