Mınıstr arnaıy ekonomıkalyq aımaqtaǵy ınvestorlarǵa jeke menshikke jer berýdiń tártibin túsindirdi
«Arnaıy ekonomıkalyq aımaq qyzmetiniń tıimdiligin arttyrý maqsatynda biz kelesi jańa sharalardy engizýdi usynamyz.
Birinshi. Jeńildikter berýdiń saralanǵan tásilin engizý.
Arnaıy ekonomıkalyq aımaq qatysýshylaryna jeńildikter «Investıtsııalar neǵurlym kóp bolsa, soǵurlym jeńildikter» qaǵıdaty boıynsha salynǵan ınvestıtsııalarǵa baılanysty saralanyp beriletin bolady», - dedi Qaıyrbek Óskenbaev.
Onyń sózine qaraǵanda, arnaıy ekonomıkalyq aımaq qyzmetiniń basym túrleri boıynsha jobalar úshin arnaıy ekonomıkalyq aımaq rejıminde jeńildikter ǵana beriledi. Al jobalardy basymdyqtardan tys iske asyrýdy josparlap otyrǵandarǵa tek ınfraqurylymy bar jer, Indýstrııalyq aımaqtardaǵydaı, kedendik jáne salyqtyq jeńildikterden bosatpaı beriledi.
«Qazirgi tańda arnaıy ekonomıkalyq aımaq qatysýshylarynyń jer ýchaskesin barlyq ınvestıtsııalyq mindettemelerdi adal oryndaǵannan keıin satyp alý múmkindigi engizilýde – atap aıtqanda óndiristi paıdalanýǵa berý jáne onyń belgili bir jobalyq qýatqa shyǵýy.
Biz bul túzetýlerdi depýtattyq bastama aıasynda Memleket basshysynyń jekelegen tapsyrmalary boıynsha zań jobasy sheńberinde engizýdi josparlap otyrmyz», - dedi vedomstvo basshysy.