Mınıstr Araldy sýǵa toltyratyn Altaı Aınabek týraly: Buǵan kóp sene berýge bolmaıdy

<p>ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev «jańbyr adamy» Altaı Aınabektiń Araldyń arnasyn jańbyr shaqyrý tásili arqyly qalpyna keltirý jobasy týraly pikir bildirdi.</p>

Úkimet otyrysynan keıin ótken baspasóz máslıhatynda BAQ ókili Altaı Aınabektiń áleýmettik jelide kóp talqylanyp júrgen jobasyna mınıstrlik qandaı baǵa beretinin surady.

«Birinshiden, bul kúnderi bizdiń Qazgıdromettiń boljamy boıynsha jańbyr jaýý kerek bolatyn. Máselen, mynaý alǵashqy 10 kúnge berilgen boljam ár kez óte naqty bolady. Ekinshiden, dúnıe júzindegi osy máselemen aınalysatyn ǵalymdar da, mekemeler de ıondaý tásiline kúmánmen qarap otyr. Bul ózi — bylaı adam senińkiremeıtin, ári naqty dáleli joq tásil. Aral óńirindegi jańbyr týraly aıtsaq, árıne biz qyzyǵýshylyq tanytyp, Qazgıdromet mamandaryn shaqyryp qaradyq. Sınoptık boljamy boıynsha sol kúnderge jańbyr belgilengen. Sol sebepten dúnıejúzindegi ǵalymdardyń ustanymymen aıtsaq, buǵan kóp sene berýge bolmaıdy», — dedi E.Nysanbaev.

Eske sala keteıik, sońǵy kúnderi Altaı Aınabek atty ǵalym Aral teńizin sýǵa toltyrý úshin jańbyr shaqyryp, eńbektenip jatqanyn aıtyp, áleýmettik jelide tanymal bolǵan edi.