Mınıstr antıbıotık jáne betperdelerdiń baǵasy qalaı retteletinin aıtty
Mınıstrdiń aıtýynsha, antıbıotıkter men betperdeler memleket tarapynan beriletin tegin medıtsınalyq qyzmet kólemine kirmeıdi.
Sol sebepti mınıstrlik bul dárilerdiń baǵasyn retteýge quqyly emes.
«Shynymen, epıdemıologııalyq maýsym kezinde dáriler 2-3 ese qymbattap ketedi. Qazirgi kúnde zańnama boıynsha mınıstrlik tek qana memleket tarapynan berilip jatqan dárilerdiń baǵasyn ǵana retteı alady. Bul zattar jekemenshik dárihanalarda satylady. Sondyqtan, olardyń baǵasyn retteýge bizdiń quqyǵymyz joq. Biraq Elbasynyń tapsyrmasy boıynsha arnaıy zań jobasyn ázirledik. Qazir ol Parlamentte qaralyp jatyr. Keler jyldyń aıaǵyna deıin zań jobasy daıyn bolady. Dárilik zattardyń baǵasyn ózgertý úshin mindetti túrde jylyna 2 ret arnaıy protsedýra jasalýy kerek», - dedi mınıstr.
Onyń aıtýynsha, qazir antıbıotık baǵasyn jergilikti ákimdikter retteýi kerek.
«Jergilikti atqarý organdary, ákimdikter jeke kásipkerlermen jumys jasap, olardyń áleýmettik jaýapkershiligin kóterýge baryn salýy tıis», - dedi mınıstr.
Munyń aldynda tutynýshylar menıngokokk juqpasynyń beleń alýyna baılanysty dárihanalarda betperdeler men antıbıotık dárileriniń qymbattaǵanyna narazylyq bildirgen bolatyn.