Mınıstr Almatyda jasóspirimdi zorlady degen kúdikpen polıtseıler ustalǵanyn rastady

<p>Іshki ister mınıstri Erjan Sadenov Almatyda jasóspirimdi zorlady degen kúdikpen ustalǵan burynǵy polıtseılerge qatysty túsinik berdi, dep habarlaıdy <a href="Kazinform" target="_blank" rel="noopener">Kazinform</a>.</p>

Búgin Májiliste ótken Úkimet saǵatynan keıin tilshiler mınıstrden Almatyda eki polıtseıdiń 14 jastaǵy jasóspirimdi zorlaý deregi týraly suraq qoıdy. «Kúdiktiler ustaldy ma?», - dep surady jýrnalıster.

Óz kezeginde E. Sadenov mundaı fakti shynymen de bolǵanyn rastady. Bul oqıǵaǵa qatysty shuǵyl túrde qyzmettik tekseris jasalyp, tártiptik komıssııanyń otyrysy ótken.

Osy rette mınıstr atalǵan qyzmetkerler ishki ister organdarynan shyǵarylǵanyn naqtylady.

«Qylmystyq is boıynsha olar qamaýǵa alyndy. Qazir tergeý amaldary jalǵasyp jatyr», - dedi mınıstr.