Mınıstr 5 myń shaqyrym joldy aqyly júıege qosý nelikten keıinge shegerilgenin aıtty

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov 2021 jyldyń 1 maýsymynan bastap 5 800 shaqyrym jolda nelikten aqy alý júıesi ise qosylmaǵandyǵyn túsindirdi, dep habarlaıdy QazAqparat tilshisi.

«2021 jyldyń 1 maýsymynan bastap joldarda aqy alý júıesin engizý josparymyzda bolǵan. Aqyly joldardy iske qosý úshin búkil avtomatıka júıesi daıyn bolýy tıis. Qazirgi tańda 5 800 shaqyrym jolda avtomatıka júıesi ornatylyp, testileýden ótkizildi. Sodan mamyr aıynda aqyly bolatyn joldardyń sapasyna tekserý bastalǵan edi. Onyń bári áli aqtalmady. Biraz jerde qaıtadan jóndeý jumystaryn júrgizý qajet. Jóndeý jumystary aıaqtalǵannan keıin árbir ýchaskeni tekserip, aktimen qabyldap alýymyz kerek. Sodan keıin ǵana aqy alý júıesi engiziledi» - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, 1 maýsymnan bastap atalǵan joldarda aqy alý júıesiniń engiziletindigi týraly «QazAvtoJol» kompanııasy jarııalaǵan. Biraq, Indýstrııa jáne ınfraqurylymdyq damý mınıstrligi arnaıy buıryqpen mundaı sheshim qabyldamaǵan.