Mıneraldyq shıkizatty qaıta óńdeý salasyna ǵylymı kadr daıyndaý elimizdegi 4 qalada júrgiziledi
Qazirgi ýaqytta akademık Ábdirásil Jármenov basshylyq etetin ortalyq ǵylymdy uıymdastyrýdy jetildirý jáne eldiń ǵylymı-tehnıkalyq áleýetin damytý úshin qurylǵan. Ortalyq 20 jyldan astam ýaqyt boıy otandyq joǵary oqý oryndarymen tyǵyz yntymaqtastyq qarym-qatynas ornatqan. Birlesken oqytý jáne óndiristik tájirıbeden ótkizý, keıinnen jumysqa ornalastyryp, ulttyq ortalyq baǵdarlamalary men jobalary aıasynda jeke zertteý jasaıtyn magıstrler men PhD doktorlaryn daıarlaýdy qamtıdy.
Ortalyq mamandary stýdentterdi oqytýdyń barlyq kezeńderinde (bakalavrıat, magıstratýra, doktorantýra) bilim berý úrdisine tikeleı qatysady. Byltyr qaıta ashylǵan kafedrada oqýdy tańdaǵan 6 magıstrant ortalyqqa oqý protsesinen qol úzbeı jumysqa ornalasty.
Ulttyq ortalyqtyń uıymdastyrýshylyq qurylymy, akkredıttelgen jáne attestattalǵan taldaý jáne zertteý zerthanalary, jobalaý-konstrýktorlyq bólimderi jáne tájirıbelik-ónerkásiptik polıgondar men keshenderi bolǵandyqtan kásiporyn qyzmeti mıneraldyq shıkizatty qaıta óńdeýge, olardy avtomattandyrý men tsıfrlandyrýdy, óndirý men baıytýdan bastap metallýrgııalyq qaıta óńdeýge deıingi tehnologııalyq protsesterdi keshendi túrde iske asyrady.
Qazirgi kezde hımııa jáne hımııalyq tehnologııa fakýltetimen yntymaqtastyq ornatyldy. Alaıda, mamandar daıarlaýdyń pánaralyq formatyn eskere otyryp, kafedrada geografııa jáne tabıǵatty paıdalaný, bıologııa jáne bıotehnologııa, fızıka-tehnıkalyq fakýltetterdiń stýdentteri oqı alady. Bul modýldik bilimge baılanysty, sonymen qatar fakýltetaralyq kýrstardy uıymdastyrýǵa bolady. Bul bolashaq kásibı qyzmetinde kóp salaly mindetterdi sheshýge daıyn, oı-órisi keń mamandardy daıyndaýǵa múmkindik beredi.
Aıta ketetin jaıt, ulttyq ortalyqtyń elimizdiń birneshe qalasynda (Almaty, Nur-Sultan, Qaraǵandy, Óskemen) 7 fılıaly ornalasqan. Sondyqtan stýdentter úshin turǵylyqty jerlerin eskere otyryp nemese ózine qolaıly qalany tańdap, jumysqa ornalasýǵa naqty múmkindik bar.