Mindetti áleýmettik medıtsınalyq saqtandyrýǵa qalaı qatysýǵa bolady
Aǵymdaǵy jyldyń 1 sáýirine deıin eldiń barlyq turǵyndary shartty túrde saqtandyrylǵan bolyp sanalady jáne olar MÁMS paketine kiretin medıtsınalyq qyzmetterdi tegin ala alady. Osy kezeńde azamattar ózderiniń saqtandyrý mártebesin anyqtap, mindetti medıtsınalyq saqtandyrý júıesiniń qatysýshysy bolýy kerek.
«Eldiń barlyq turǵyndaryn, ásirese beıresmı jumyspen qamtylǵan halyqty MÁMS qatystyrý basty máselesi bolyp qala beredi. Júrgizilgen jumystardyń qorytyndysy boıynsha búgingi tańda halyqtyń 97%-y ózektendirilgen jáne áleýetti túrde MÁMS júıesiniń qatysýshylary bolyp tabylady. Qalǵan 3%-y boıynsha (shamamen 480 myńǵa jýyq adam) jumys jalǵasýda. Almaty qalasynda 48 myńǵa jýyq ózin-ózi jumyspen qamtyǵan azamattar bar, olar jeke jáne zańdy tulǵalarǵa qyzmet kórsetedi. Alaıda olardyń kiris kózi eshqandaı aqparattyq júıede tirkelmegen», - deıdi Almaty qalalyq densaýlyq saqtaý basqarmasynyń basshysy Tileýhan Ábildaev.
Qala turǵyndary úshin tólem somasy 1 AEK-ten aspaıdy, ıaǵnı 2 525 teńge. Aýyldy jerlerdegi turǵyndar úshin 0,5 AEK nemese 1263 teńge.
Jarnany kez kelgen ekinshi deńgeıli bank nemese Qazposhta bólimshesi arqyly, mobıldi bankıng arqyly, sondaı-aq «Kassa 24» jáne Kiwi tólem júıeleri arqyly tóleýge bolady. Patsıentterdiń yńǵaılylyǵy úshin qalanyń aýrýhanalary men emhanalarynda «Kassa 24» termınaldary ornatylǵan, ol jerde jarnany jyldam, komıssııasyz tóleýge bolady.
Óz mártebeńizdi JSN nómiri boıynsha www.egov.kz, www.fms.kz saıttarynan nemese «Saqtandyry» Telegram botynan, HQKO-nan medıtsınalyq qyzmetterdi tutynýshy retinde MÁMS júıesine qatysý týraly anyqtama alyp, nemese tirkelgen jeri boıynsha medıtsınalyq uıymǵa júginý arqyly bilýge bolady.
«Qalanyń tehnıkalyq daıyndyǵy óte joǵary, barlyq memlekettik densaýlyq saqtaý uıymdarynda medıtsınalyq aqparattyq júıeler engizilgen, 100% jumys kompıýterlik tehnıkamen jabdyqtalǵan», - dep tolyqtyrdy Tileýhan Ábildaev.