Mindetin sapasyz oryndaǵan kásiporyndar qoldaý qarajatyn qaıtarady

NUR-SULTAN. QazAqparat – Jańa ónerkásiptik saıasat aıasynda «Bıznestiń qarama-qarsy mindettemeleri» degen uǵym engizilmekshi. Bul uǵym memleketten qoldaý taýyp, biraq ony tıimdi paıdalanbaǵan kásiporyndardy alǵan qarajatyn qaıtarýǵa mindetteıdi, dep habarlaıdy QazAqparat tilshisi.

Bul týraly ortalyq kommýnıkatsııalar qyzmetinde ótken baspasóz máslıhatynda Indýstrııa jáne ınfraqurylymdyq damý mınıstrligine qarasty ónerkásip saıasaty departamentiniń dırektory Laýra Sadykova aıtty.

«Memlekettik yntalandyrý sharalaryn iske asyrýda bıznestiń qarama-qarsy mindettemelerin engizý, sonyń ishinde mindettemelerdiń sapasyz nemese ýaqtyly oryndalmaǵany úshin jaýapkershilik qarastyrylǵan. ıAǵnı, qoldaý berilgen qarajatty qaıtarý, ótemaqy tóleý, aıyppul arqalaý, ósimpuldar tóleý sııaqty jaýapkershilikter júkteledi. Sonymen qatar, básekege qabilettilikti arttyrý úshin kelisim jasaý arqyly yntalandyrýdyń aralas paketin alý múmkindigi kózdelip otyr. Bul bızneske uzaq merzimdi perspektıvada óndiristik qyzmetti josparlaýǵa múmkindik beredi», - dedi vedomstvo ókili.