Myńbaı Rásh ómirden ótti

<p>Aqyn, satırık, ádebıettanýshy, Qazaqstannyń eńbek sińirgen mádenıet qyzmetkeri Myńbaı Rásh dúnıeden ozdy. Bul týraly Qazaqstan Jazýshylar odaǵy <a href="https://t.me/zhazushylar_odagy" target="_blank" rel="noopener">Telegram arnasynda</a> málim etti, dep habarlaıdy <a href="Kazinform." target="_blank" rel="noopener">Kazinform.</a></p>

Myńbaı Rásh 1930 jyly 19 qazanda Semeı oblysy, Shubartaý aýdanynyń 10-aýylynda dúnıege kelgen.

Abaı atyndaǵy qazaq pedagogıkalyq ınstıtýtynyń til jáne ádebıet fakýltetin bitirgen soń «Lenınshil jas» (qazirgi «Jas alash») gazetinde, «Ara — Shmel» jýrnaldarynda bólim meńgerýshisi bolyp qyzmet atqarǵan. Qazaq KSR Kınematografııa jónindegi memlekettik komıtetinde, «Ǵylym» baspasy men «Qazaqstan» baspasynyń bas redaktory, Qazaqstan Jazýshylar odaǵynda ádebı keńesshi bolyp jemisti eńbek etken.

Tuńǵysh óleńder jınaǵy 1955 jyly «Alǵashqy borozda» degen atpen jaryqqa shyqty.

«Qalamger aǵamyzdyń jıyrmadan astam óleńder jınaǵy men satıralary kitap bolyp shyqqan. Myńbaı Rásh kóbinese satıra janrynda eńbek etip, syqaqtary men feletondary, mysaldary kórshiles, týysqan halyqtar tilderine aýdarylǵan. Zamanynda syqaq janryndaǵy eńbegin zańǵar jazýshy Ǵabıt Músirepov erekshe baǵalaǵanyn jaqsy bilemiz. Kesheden beri Qazaqstan Jazýshylar odaǵynyń basqarmasy abyz aqsaqaldy sońǵy saparǵa shyǵaryp salý máselesimen aınalysyp jatyr. Janazasy, asy qaıda, qashan ótetinin qosymsha habarlaımyz», - dep jazylǵan Jazýshylar odaǵy taratqan habarlamada.