«Mılton» daýyly Florıda jaǵalaýyna jaqyndady

<p>ASTANA. KAZINFORM &ndash; AQSh-tyń Florıda shtaty Tampa shyǵanaǵyna jaqyndaǵan 5-shi sanattaǵy &laquo;Mılton&raquo; daýylyna daıyndalyp jatyr. Daýyl sársenbi kúni qurlyqqa jetedi dep boljanýda, dep habarlaıdy <a href="https://ru.euronews.com/2024/10/08/milton-on-its-way-to-florida" target="_blank" rel="noopener">Euronews.</a></p>

Eldiń alty shtatynda 230-dan astam adamnyń ómirin qıǵan alapat «Helın» daýylynan keıin eki apta ótpeı jatyp taǵy bir tabıǵı apat bolady boljanyp otyr. 

«Taıaýda joıqyn daýyldan zardap shektik. Kóp jerdi sý basyp qaldy. Sondyqtan bul joly kezekti daýylǵa daıyndalǵandy jón kórdik. Úıdiń aınalasyna ótken aptada bolǵan jaǵdaıdyń aldyn alý úshin qum salynǵan qaptardy jınap jatyrmyz», - deıdi Florıda turǵyny Lýıs Smıt.

Turǵyndarǵa birneshe apta ishinde osymen ekinshi ret evakýatsııalaný týraly buıryq berildi. 

«Jergilikti bılikti tyńdańyzdar, óıtkeni men kóptegen adam bul daýyldan zardap shekkenin bilemin. Bul jaǵdaı jergilikti turǵyndarǵa ońaı tımesi anyq», - dedi AQSh vıtse-prezıdenti Kamala Harrıs. 

«Helın» daýylynyń ekpini 2,4-3,6 metrge jetýi múmkin.

Sarapshylardyń pikirinshe, «Mılton» Atlant muhıtyndaǵy rekordtyq eń jyldam damyp kele jatqan úshinshi daýyl boldy. Nebári 12 saǵatta ol birinshi sanattaǵy daýyldan besinshi sanattaǵy daýylǵa deıin kúsheıdi. Ǵalymdar aýa raıy aýytqýlarynyń jıiligin klımattyń ózgerýi men jahandyq jylynýmen baılanystyryp otyr.