«Mılton» daýyly báseńsidi, alaıda Florıdada 3 mıllıon adam jaryqsyz qaldy

<p>ASTANA. KAZINFORM &ndash; &laquo;Mılton&raquo; daýyly túnde Florıda shtatynyń ortalyq bóligimen ótip, sońy tornadoǵa ulasty, shtattaǵy on shaqty úı qırady. 3 mıllıonnan astam úı men kásiporyn jaryqsyz qaldy, dep jazady <a href="https://www.bbc.com/russian/articles/ce3w5e1zp1qo" target="_blank" rel="noopener">VVS</a>.</p>

«Mılton» besinshi sanatty daýyl retinde bastaldy, biraq meteorologtar daýyl qurlyqqa shyqqan kezde úshinshi sanatqa tómendegenin málimdedi. Al qazir birinshi sanatty dep baǵalanǵanymen, áli de qaýip tóndirýi múmkin.

AQSh Ulttyq daýyl ortalyǵynyń málimetinshe, «Mılton» sársenbi kúni jergilikti ýaqyt boıynsha Florıdaǵa saǵat 20:30 shamasynda jetkende, jeldiń jyldamdyǵy saǵatyna 195 km-ge jetken. Al beısenbi kúni jeldiń jyldamdyǵy 150 km/saǵ-qa deıin tómendedi.

«Mıltonnyń» sońy nóser jaýyn men joıqyn daýylǵa ulasty. Daýyl NASA ǵarysh aılaǵy ornalasqan Kanaveral múıisinen batysqa qaraı 75 km jerden ótti.

Tampa shyǵanaǵy aımaǵynda, sonyń ishinde Tampa, Sankt-Peterbýrg jáne Klırýoter qalalarynda sý tasqynyna baılanysty tótenshe jaǵdaı rejımi engizildi. Sársenbide Sankt-Peterbýrgte 16,6 422 mm jaýyn-shashyn boldy. Qalada aýyz sý joq.

«Mılton» Sankt-Peterbýrgtegi «Tropıkana Fıld» dep atalatyn 42 myń kórermenge arnalǵan beısbol stadıony shatyrynyń bir bóligin julyp aldy. Jergilikti BAQ-tyń habarlaýynsha, stadıon qutqarýshylar úshin baspana retinde paıdalanylǵan, biraq zardap shekkender joq.

Florıdanyń shyǵys jaǵalaýyndaǵy Fort-Pırstegi tornadodan keıin qarttar úıinde kem degende eki adam qaza tapty, dep habarlaıdy NBC News Sent-Lıýsı okrýginiń sherıfi Kıt Pırsonǵa silteme jasap.

Pırsonnyń aıtýynsha, 17 tornado soqqan okrýgte shamamen 100 úı qıraǵan.

Osyǵan deıin «Mılton» daýyly Florıdaǵa jetkenin jazdyq.

Al, Qazaqstan Respýblıkasynyń AQSh-taǵy Elshiligi «Mılton» daýyly Florıda shtatynyń batys jaǵalaýyna soǵýy múmkin bolǵandyqtan sondaǵy otandastarymyzǵa meıilinshe saq bolyp, jergilikti bıliktiń nusqaýyn múltiksiz oryndaýǵa shaqyrdy.