«Mılton» daýyly: AQSh-taǵy otandastarymyzǵa jergilikti bıliktiń nusqaýyn múltiksiz oryndaýǵa úndedi
AQSh-tyń Ulttyq aýa raıy qyzmeti Grınvıch ýaqytymen saǵat 23:00 shamasynda daýyldyń eń kúshti lebi soǵatyn «kóz qabyrǵasy» (nemese «kózi») dep atalyp ketken perımetri — eń qaýipti bóligi jaǵalaýǵa jetkenin habarlady.
«Mılton» Florıdaǵa jetkenge deıin birshama báseńdep, eń qaýipti besinshi sanattan tórtinshige, sodan keıin úshinshi sanatqa (jel jyldamdyǵy 208 km/saǵ) aýystyryldy.
Alaıda, sarapshylardyń túsindirýinshe, «Mıltonnyń» qaýipi áli de seıilmeı tur: evakýatsııalanbaǵan adamdar úshin jeldiń jyldamdyǵy 4,5 metrge deıin jetetin tolqyn týdyryp, jaqyn mańdaǵy aýmaqtardy sý basyp ketý qaýpi bar, sondaı-aq ol teńiz jaǵasynan alys jerlerde de sý tasqynyn týdyratyn kúshti nóserge sebep bolýy múmkin.
VVS habarlaýynsha, Amerıkanyń Daýyldardy zertteý ulttyq ortalyǵy Grınvıch ýaqytymen túngi saǵat ekiniń shamasynda «Mılton» daýyly qurlyqqa jetkennen keıin birshama báseńdep, ekinshi sanatqa aýysqanyn jarııalady.
2-shi sanattaǵy daýyldy jeldiń turaqty jyldamdyǵy — 154-177 km/saǵ.
Eýropada qabyldanǵan Bofort shkalasy boıynsha turaqty (ekpinsiz) jyldamdyǵy 118 km/saǵ bolatyn jel daýyl bolyp sanalady. Saffır-Sımpson shkalasy boıynsha daýyl sanattary da osy belgiden bastalady.
Qazirgi kezde «Mıltonnyń» ortalyǵy Florıda túbegi arqyly soltústik-shyǵysqa, Atlant muhıtyna qaraı jyljyp barady.
«Qurmetti otandastar! ⠀AQSh-tyń Ulttyq daýyldar ortalyǵynyń málimetine sáıkes, 10 qazanǵa qaraǵan túni, shamamen saǵat 01:00–02:00-de Meksıka shyǵanaǵynyń ońtústiginde bastalǵan „Mılton“ daýyly Florıda shtatynyń batys jaǵalaýyna soǵýy múmkin. Sondaı-aq daýyl Djordjııa jáne Ońtústik Karolına shtattarynyń keıbir aýmaqtary arqyly ótýi múmkin.⠀Florıda shtatynyń jergilikti bıligi birneshe okrýgte mindetti evakýatsııa sharalaryn jarııalady. Barlyq turǵyndar tabıǵı apat qaýpi týyndaǵan jaǵdaıda evakýatsııaǵa daıyn bolýy tıis.⠀Qazaqstan Respýblıkasynyń AQSh-taǵy Elshiligi jergilikti bıliktiń nusqaýlaryn múltiksiz oryndaýǵa shaqyrady. Kómek qajet bolǵan jaǵdaıda Elshilikke dereý habarlasýlaryńyzdy suraımyz.⠀Qazaqstan Respýblıkasynyń AQSh-taǵy Elshiliginiń táýlik boıy «jedel jelisi»: +1 202 595 6467+1 626 251 6253⠀Óz qaýipsizdigińizge saq bolyńyz jáne aýa raıyna baılanysty jańartylǵan aqparattardy muqııat qadaǵalańyz», — dep habarlady Elshilik.