Batys Qazaqstan oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri etti mal sharýashylyǵymen aınalysatyn JShS quryltaıshylarynan mıllıon AQSh dollaryn bopsalaǵan óńir turǵynyn ustady. Kazinform bul týraly Polisia.kz-ke silteme jasap habarlaıdy.
Kúdikti Toyota Mark II avtokóliginiń ishinde aqsha alý sátinde quryqtaldy. Kólikti tintý kezinde sol jaqtaǵy aldyńǵy jolaýshylar oryndyǵynyń qaltasynan 4 mln teńge tárkilendi.
Sonymen qatar qaskúnemniń barsetkasynan 50 myń teńge tabyldy. Qazirgi ýaqytta QR Qylmystyq kodeksiniń 194-babynyń 4-bóligi boıynsha sotqa deıingi tergeý júrgizilip jatyr (Bopsalaý).
QR QPK-niń 201-babyna sáıkes ózge aqparat jarııa etilmeıdi.
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.