Jolaqysy joq buzaqy azamattardy tirkeıtin orynǵa tez tutanatyn suıyqtyq shashyp, órt qoıǵan jáne stoldy balǵamen urǵan. Oqıǵa onyna polıtsııa men órt sóndirýshiler jetti. Oqıǵa bolǵan jer oqshaýlanyp, órt sóndirýshiler jalyndy birden sóndirdi.
18:24, 21 Tamyz 2025
Mılan áýejaıynda er adam tirkeý ornyn jaǵyp jibermek boldy
ASTANA. KAZINFORM – Bosqyn mártebesi bar Malı eliniń týmasy Mılan áýejaıynda tirkeý ornyn zaqymdady. Sonyń saldarynan bılik ókilderine birinshi termınaldy ýaqytsha jabý qajet boldy, dep habarlaıdy Kazinform menshikti tilshisi.
Malı týmasy áreketiniń maqsaty túsiniksiz bolyp qalyp otyr. Qazir ol Varezdegi polıtsııada. Buzaqynyń tutqyndalýynyń qanshalyqty negizdi bolǵany Býsto-Arsıtsıo qalasynda beısenbi kúni ótetin sot otyrysynda tekseriletin bolady.
Al Italııada qylmyskerler brıtandyq lordtyń qolynan 175 myń fýnt sterlıng turatyn saǵatty qalaı julyp áketkenin myna materıaldan oqyńyzdar.